SEO-ն կշարունակի պահանջված մնալ այնքան ժամանակ, քանի դեռ մարդիկ որևէ պրոդուկտ կամ ծառայություն են փնտրում համացանցում:

 

Իհարկե ժամանակի ընթացքում 

որոնողական համակարգերի համար կայքի օպտիմիզացիայի եղանակները և ընդհանուր 

SEO-ի գործիքակազմը զգալի փոփոխությունների է ենթարկվել: 📈

 

Օրինակ` սկզբնապես կայքը օպտիմիզացնելիս մասնագետները մեծ ուշադրություն էին դարձնում կայքի տեխնիկական կարգավորումներին և հիմնաբառերին:

 

Հիմա Google-ի և այլ որոնողական համակարգերի ալգորիթմների հիմքում ընկած են AI տեխնոլոգիաները: Ըստ այդմ էլ SEO-ն փոփոխվում է՝ համապատասխանելու ժամանակակից ալգորիթմների պահանջներին: 📊

 

Մոտ ապագայում, եթե AI տեխնոլոգիաները (օրինակ՝ ChatGPT) սկսեն դառնալ առաջնային աղբյուր որոնումների համար, SEO-ի առաջնահերթությունները կփոխվեն՝ համապատասխանելու այդ նոր գործիքներին:

 

Անկախ նրանից` մարդիկ կշարունակեն որոնումներ կատարել որոնողական համակարգերում, արհեստական բանականությամբ աշխատող չատբոտերում, թե դրանցում ինտեգրված որոնման համակարգերում, կայքերի օպտիմիզացիան մշտապես արդիական կլինի, իսկ SEO-ն կշարունակի մնալ իբրև թվային մարքեթինգի արդյունավետ ուղղություններից մեկը: ✨

 

SEO, թե՞ SMM 📲🔎

 

Ո՞ր մասնագիտությունն ընտրել

🔥 Հայաստանում SMM մասնագետների պահանջարկն ավելի մեծ է․ տեղական բիզնեսները գերազանցապես օգտագործում են սոցիալական ցանցերը՝ իրենց ապրանքների և ծառայությունների առաջխաղացման համար: 

 

Այնուամենայնիվ, ամբողջ աշխարհում  SEO և SMM մասնագետները  գրեթե հավասար պահանջարկ ունեն։ Երկու ոլորտներն էլ առաջարկում են հետաքրքիր և եկամտաբեր կարիերա, բայց թե որ մասնագիտությունը կընտրես, բացառապես  կախված է քո հմտություններից և հետաքրքրությունների շրջանակից:

 

Եթե քեզ հետաքրքրում են որոնողական համակարգերը, դրանց աշխատանքի սկզբունքները, ալգորիթմային թարմացումները, ունես բավարար տեխնիկական գիտելիքներ վեբկայքերի օպտիմիզացիայի համար, սիրում ես օգտագործել տվյալների վերլուծության գործիքներ, կարող ես ընտրել SEO-ն:

 

Եթե ունես ընդհանուր մարքեթինգային գիտելիքներ, ցանկանում ես տիրապետել սոցցանցերին, ունես ստեղծագործ  մտածողություն, սիրում ես ստեղծել տեքստային և վիզուալ բովանդակություն, հետևում ես թրենդներին և ունես հաղորդակցական հմտություններ, ընտրի´ր SMM-ը:

 

Ի՞նչ է անհրաժեշտ լավ SEO մասնագետ դառնալու համար ✨

Լավ SEO մասնագետ դառնալը պահանջում է ռազմավարական, ստեղծագործական մտածողության և տեխնիկական գիտելիքների համադրություն։ 

 

📌 Ահա այն հիմնական հմտությունները, որոնք անհրաժեշտ են այս մասնագիտության մեջ  հաջողության հասնելու  համար:

 

 SEO մասնագետը ՊԵՏՔ Է.

 

✅ Ընդհանուր գաղափար ունենա  HTML-ի կառուցվածքի, թեգերի, ծրագրավորման լեզուների, Framework-երով և CMS-երով ստեղծված կայքերի օպտիմիզացիայի ընդհանրությունների և տարբերությունների մասին:

✅ Ունենա որոնողական համակարգերի մասին ամբողջական գիտելիքներ:

✅ Կարողանա ինքնուրույն մշակել SEO ռազմավարություն:

✅ Կատարի ցանկացած բարդության կայքի ներքին և արտաքին ամբողջական SEO օպտիմիզացիա:

✅ Ունենա որոնողական համակարգերի օպտիմիզացիային առնչվող հարուստ գործիքակազմ:

✅ Կատարի կայքի ներքին օպտիմիզացիա (բանալի բառերի հավաքում, մշակում, դասակարգում, կայքի կառուցվածի և մետաթեգերի մշակում, բովանդակության ստեղծում):

✅ Ճիշտ կերպով կատարի կայքի տեխնիկական կարգավորումները (կայքի արագագործություն, mobile frendly-ություն և այլն:

✅ Կատարի կայքի արտաքին օպտիմիզացիա (արտաքին հղումների ձևավորում և այլն):

✅ Տիրապետի AI գործիքներին և կարողանա դրանք հաջողությամբ կիրառել կայքի SEO օպտիմիզացիայի ժամանակ:

✅ Համագործակցի ծրագրավորողների և մարքեթինգի մյուս ուղղությունների մասնագետների հետ:

 

 

Ունենալով այսպիսի մասնագիտական կարողություններ և հմտություններ` SEO մասնագետը կստանա կարիերայի  աճի լայն հնարավորություններ: