Որոնողական համակարգերում կայքի արդյունավետ առաջխաղացման համար առանցքային են ոչ միայն հիմնաբառերի ցանկի կազմումը, մշակումը, տեղաբաշխումը,  այլև կայքի իմաստային միջուկի ստեղծումը (keyword semantic core):

 

Իմաստային միջուկը որոնման հարցումների  ամբողջական ցանկն է, որոնցով օգտատերերը կարող են փնտրել տվյալ բովանդակությունը, ապրանքը կամ ծառայությունը համացանցում: Ուստի այն կայքի թեմատիկ ուղղվածությանը համապատասխանող բանալի բառերի և արտահայտությունների համախումբ է:

 

Որոնողական համակարգերում կայքի տեսանելիությունն ու այցելուների ներգրավվածությունը բարձրացնելու նպատակով  անհրաժեշտ է սեմանտիկ միջուկում ընդգրկել  հնարավոր բոլոր հիմնաբառերը:

 

Իմաստային միջուկը  ներառում  է`

 

✅ Հիմնական բանալի բառեր

✅ Երկրորդային բանալի բառեր

✅ Երկար պոչով (long-tail) բանալի բառեր

✅ Տեղային հարցումներ

✅ Տրանզակցիոն  և  տեղեկատվական  հարցումներ

 

Կայքի իմաստային միջուկն ունի առանցքային նշանակություն, քանի որ հենց դրա վրա է.

 

✅ Մշակվում կայքի կառուցվածքը

✅ Կազմվում կոնտենտ պլանը

✅ Ձևավորվում  ներքին հղումների համակարգը

✅ Արվում  կայքի էջերի ներքին օպտիմիզացիան

 

Սեմանտիկ միջուկի ճիշտ կազմումը և դրա վրա հիմնված բովանդակության օպտիմիզացիան նպաստում են կայքի արդյունավետ առաջխաղացմանը և թիրախային լսարանի ներգրավմանը։ Ուստի իմաստային միջուկ կազմելիս պետք է ներառել ինչպես կոմերցիոն, այնպես էլ ոչ կոմերցիոն նպատակներով որոնման հարցումները: Այդպիսով տարբեր հարցումներով կայքը կհայտնվի որոնման արդյունքներում:

 

Ինչու՞ է անհրաժեշտ ստեղծել կայքի իմաստային միջուկ SEO-ում

 

Իմաստային միջուկն ունի առանցքային դեր որոնողական համակարգերում կայքի առաջխաղացման մեջ: Այն հնարավորություն է տալիս. 

 

✅ Բացահայտել օգտատիրոջ` գնում կատարելու մտադրությունը:

✅ Իմանալ՝ օգտատերը փնտրում է տվյալ ապրանքը | ծառայությունը անմիջապես պատվիրելու՞, դրա մասին տեղեկատվություն ստանալու՞, թե՞ այլ պրոդուկտների հետ համեմատելու համար։

Ըստ այդմ՝ կայքի իմաստային միջուկում պետք է ներառել օգտատերերի՝ տարբեր մտադրություններով արած բոլոր հարցումները։

 

Իմաստային միջուկում ընդգրկված հիմնաբառերը նպատակահարմար է գործածել կայքի տարբեր էջերում.

 

☑️ Կոմերցիոն (վաճառող) էջեր / Landing Pages, որոնք նպատակ ունեն ուղղակիորեն խթանել ծառայության կամ ապրանքի վաճառքը։

☑️ Բովանդակային էջեր / Content Pages, որոնք ներկայացնում են օգտատերերին հետաքրքրող օգտակար տեղեկատվություն։

☑️ Հարց ու պատասխան էջեր / FAQs, որոնք օգնում են պատասխանելու հաճախորդների՝ հաճախ տրվող հարցերին։

☑️ Դիտարկումների էջեր / Review Pages, որոնք ներկայացնում են պրոդուկտը գնած օգտատերերի կարծիքները։

☑️ Գրաֆիկական ֆայլեր, որոնք նպաստում են բովանդակության վիզուալ ներկայացմանը՝ նկարների, դիագրամների և այլ նյութերի տեսքով։

☑️ Ինֆոգրաֆիկաներ, որոնք նպաստում են տվյալների վիզուալ ներկայացմանը՝ հեշտացնելով տեղեկատվության ընկալումը։

☑️ Վիդեո բովանդակություն, որը կարող է լինել տեղեկատվական, ուսուցողական, գովազդային և այլ բնույթի տեսանյութեր:

☑️ Փոդքասթներ (աուդիո բովանդակություն), որոնք կարող են լինել տարբեր ձայնային նյութեր՝ հարցազրույցներ, քննարկումներ և այլն։

 

Կայքի ամբողջական սեմանտիկ միջուկի կազմման համար նպատակահարմար  է.

Ներառել առաջնային բանալի բառերը՝ հիմնվելով օգտատերերի որոնման հարցումների վրա։

Ընտրել ուղեկցող հարցումներ առաջնային բանալի բառերի համար՝ ապահովելով բովանդակության բազմազանությունը։

Խմբավորել բանալի բառերն ըստ նշանակության՝ կոմերցիոն, տեղեկատվական և այլն։

Օգտագործել հնարավորինս շատ բանալի բառեր կայքում՝ բարձրացնելով որոնողական համակարգերում կայքի տեսանելիությունը և դասակարգումը։

 

Անհրաժեշտ է մշտապես օգտագործել սեմանտիկ միջուկը՝ բովանդակության պլանավորման և կայքի հետագա օպտիմիզացիայի համար։

Այսպիսով՝ հնարավոր կլինի ստեղծել կայքի բովանդակությունն այնպես, որ այն բարձր դասակարգվի որոնողական համակարգերի կողմից, իսկ օգտատերերի համար լինի օգտակար և արժեքավոր: