SSL (Secure Sockets Layer) սերտիֆիկատը թվային հավաստագիր է, որն ապահովում է վեբ կայքի նույնականացումը, ձևավորում է անվտանգ, գաղտնագրված կապ սերվերի և օգտատիրոջ բրաուզերի միջև։ Այդ կապի շնորհիվ կայքի միջոցով փոխանցվող տվյալները՝ ինչպիսիք են օգտանունները, գաղտնաբառերը կամ վճարային տվյալները, կոդավորվում են այնպես, որ անհասանելի լինեն երրորդ կողմի համար:

 

SSL սերտիֆիկատի հիմնական գործառույթներն են՝

 

✅ Գաղտնագրում (Encryption). փոխանցվող տվյալները կոդավորվում են այնպես, որ դրանք անհասանելի դառնան երրորդ կողմերի համար՝ կանխելով տվյալների գաղտնազերծման կամ գողացման ռիսկը։

✅ Ինքնության հաստատում (Authentication). սերտիֆիկատը երաշխավորում է, որ օգտատերը կապ է հաստատում հենց վավերական սերվերի հետ, այլ ոչ թե կեղծ կամ միջնորդավորված սերվերի։

✅ Տվյալների ամբողջականություն (Data Integrity). ապահովում է, որ տվյալները պահպանեն իրենց սկզբնական վիճակը փոխանցման ամբողջ ընթացքում՝ բացառելով ցանկացած փոփոխություն կամ վնասում։

 

SSL սերտիֆիկատի միջոցով պաշտպանվում են. 

 

✅ Մուտքագրված տվյալներ, ինչպիսիք են՝ օգտանունները և գաղտնաբառերը:

✅ Վճարային տվյալները` ներառյալ բանկային քարտի համարները, CVV կոդերը և քարտի վավերականության ժամկետները:

✅ Անձնական տվյալները, ինչպես օրինակ՝ էլ. փոստի հասցեները, հեռախոսահամարները, ինչպես նաև անձը հաստատող փաստաթղթերի վերաբերյալ տեղեկությունները:

 

Ինչպե՞ս հասկանալ՝  կայքը ունի՞  SSL սերտիֆիկատ, թե ոչ։

 

Եթե կայքը պաշտպանված է SSL սերտիֆիկատով ապա`

 

✔ Դոմեյնի հասցեն սկսվում է https:// -ով, որտեղ “s”-ը նշանակում է “secure”՝ անվտանգ:

✔ Բրաուզերի հասցեատողում ցուցադրվում է 🔒 նշան, որը վկայում է տվյալների կոդավորված փոխանցման մասին:

 

SSL սերտիֆիկատն ունի մի շարք առավելություններ SEO-ի համար. 

 

✅ Google-ն ավելի բարձր է դասակարգում HTTPS-ով աշխատող կայքերը:

✅ Այն կայքերը, որոնք ունեն «պաշտպանված» (🔒 Secure) տարբերանշան, օգտատերերի համար ավելի վստահելի են:

✅ E-commerce և բիզնես կայքերում SSL-ը պաշտպանում է տվյալների անվտանգ փոխանցումը:

 

Այսօրվա թվային միջավայրում SSL սերտիֆիկատը տեղեկատվական անվտանգության հիմքն է։

 

Ցանկացած վեբ նախագիծ, որն աշխատում է անձնական կամ ֆինանսական տվյալների հետ, պարտադիր պետք է ունենա վավերացված SSL։