Կայքի տեսանելիության բարձրացում

 Օնլայն ակտիվության 93%-ը սկսվում է որոնողական համակարգերից: Եթե ձեր կայքը չի ցուցադրվում որոնման արդյունքներում, դուք կորցնում ենք պոտենցիալ հաճախորդների հիմնական մասին:

Բրենդի նկատմամբ վստահության մեծացում

 Որոնողական համակարգերի որոնման արդյունքներում բարձր դիրք զբաղեցնելը  ձևավորում է վստահություն ձեր բրենդի շուրջ:

Արդյունավետ մարքեթինգ 

 Ի տարբերություն վճարովի գովազդների` SEO-ի միջոցով կայքն ունենում է երկարաժամկետ և կայուն թրաֆիք: Ստիպված չեք վճարել յուրաքանչյուր քլիքի համար:

Թիրախավորված այցելություններ 

 SEO-ն մեծացնում է կայքի թիրախավորված այցելությունները, քանի որ կայք են գալիս մարդիկ, ովքեր արդեն իսկ փնտրում են մեր կողմից առաջարկվող ապրանքները և ծառայությունները:

Գերազանցել մրցակիցներին

 Եթե չեք օպտիմիզացնում կայքը, ձեր մրցակիցներն են դա անում: Ուստի ամեն անգամ երբ պոտենցիալ հաճախորդները փնտրում են ձեր պրոդուկտները, որոնողական համակարգերում գտնում են ձեր մրցակիցներին:  SEO-ի շնորհիվ հնարավոր է «հաղթել» մրցակիցներին և ստանալ մրցակցային առավելություն:

 SEO-ում ներդրում կատարելն այլևս ընտրության հարց չէ: Այսօրվա թվային աշխարհում բիզնեսի զարգացման տեսակետից այն անհրաժեշտություն է:

 

Ինչպե՞ս կարող է SEO-ն նպաստել բիզնեսի զարգացմանը Հայաստանում

Հայաստանում  SEO-ն կարող է մեծապես նպաստել  բիզնեսների առաջխաղացմանը որոնողական համակարգերում: Վերջին տարիներին օնլայն շոփինգը, ծառայությունների որոնումը և տեղական բիզնեսների հետ կապ հաստատելը դարձել են ավելի հաճախական։ 

Ընդունված է ասել, որ Հայաստանում SEO-ն արդյունավետ չէ, քանի որ. 

Հայաստանում բիզնեսների ճնշող մեծամասնությունը կամ չունի կայք կամ այն օպտիմիզացված չէ որոնողական համակարգերի համար, քանի որ նրանք իրենց պրոդուկտներն առաջխաղացնում են սոցիալական ցանցերում։

 

Ճիշտ է, և հենց սա էլ ձեզ տալիս է առավելություն մրցակիցների նկատմամբ, քանի որ երբ պոտենցիալ հաճախորդները փնտրեն ձեր կողմից առաջարկվող պրոդուկտները, նրանք կգտնեն ձեզ, այլ ոչ թե ձեր մրցակիցներին: Նույն կերպ էլ եթե չունեք օպտիմիզացված կայք, ձեր հաճախորդները ձեր պրոդուկտները փնտրելիս կգտնեն ձեր մրցակիցներին: Ճիշտ ռազմավարությամբ հնարավոր է հեշտությամբ գերազանցել մրցակիցներին և ստանալ թիրախային պոտենցիալ հաճախորդներ որոնողական համակարգերից:

 

Հայաստանում մարդիկ քիչ են ապրանքներ և ծառայություններ փնտրում որոնողական համակարգերում:

 Այո, որոնման ծավակը ցածր է, իսկ արդյունավետությունը` բարձր: Օրինակ` կիրառելով Traffic տեսակի գովազդային նպատակ` ձեր կայքը կարող է ունենալ հազարավոր այցելություններ սոցիալական  ցանցերից, բայց արդյունքում շատ քիչ որակյալ լիդ: SEO-ի դեպքում հակառակն է: Կայքը կարող եք ունենալ շատ քիչ այցելություններ, բայց արդունքնում գեներացնեք որակյալ լիդեր: Ընդհանուր առմամբ` որոնողական համակարգերից եկած հաճախորդները ամենաորակյալն են, քանի որ նրանք արդեն իսկ փնտրում են ձեր պրոդուկտները: Ավելին` ի տարբերություն սոցիալական ցանցերի` լիդեր գեներացնելու համար գովազդային բյուջե անհրաժեշտ չէ:

 

SEO-ն հայկական շուկայում նպաստում է նաև  լոկալ բիզնեսների տեսանելիության բարձրացմանը: SEO-ի շնորհիվ  բիզնեսները կարող են ցուցադրվել Google-ի տեղական որոնումներում։ Օրինակ` «Լավագույն սրճարաններ Երևանում» որոնման արդյունքում ձեր բիզնեսը կցուցադրվի ձեր թիրախային լսարանին:

 

SEO-ն նպաստում է նաև բրենդի ճանաչելիության բարձրացմանը, քանի որ ամեն անգամ, երբ մարդիկ որևէ բան են փնտրում, որոնման արդյունքներում նրանք տեսնում են հենց ձեր կայքը:

Ճիշտ մշակված SEO ռազմավարությամբ բիզնեսները Հայաստանում կարող են.

• Ստանալ թիրախային հաճախորդներ
• Գերազանցել մրցակիցներին
• Ունենալ երկարաժամկետ արդյունքներ

 

Ո՞ր դեպքում SEO-ն ԱՐԴՅՈւՆԱՎԵՏ ՉԷ բիզնեսի համար

 

Առհասարակ  SEO-ն ԱՐԴՅՈւՆԱՎԵՏ Է ԲԻԶՆԵՍԻ ՀԱՄԱՐ, 

Եթե ձեր կողմից առաջարկվող պրոդուկտները և ծառայություններ մարդիկ փնտրում են որոնողական համակարգերում:

 SEO-ն ԱՐԴՅՈւՆԱՎԵՏ ՉԷ ԲԻԶՆԵՍԻ ՀԱՄԱՐ ՄԻԱՅՆ ԱՅՆ ԴԵՊՔՈւՄ,

Եթե վաճառում եք այնպիսի պրոդուկտ, որը գնելու ցանկությունը դուք պետք է առաջացնեք թիրախային լսարանի մոտ, քանի որ նրանք, ամենայն հավանականությամբ, դա չեն փնտրի որոնողական համակարգերում (գեղարվեստական նկարներ, յուրահատուկ դիզայներական աշխատանքներ և այլն):

Այնուամենայնիվ, անհրաժեշտ է զբաղվել կայքի SEO օպտիմիզացիայով, նույնիսկ եթե շատ քիչ թվով օգտատերեր են փնտրում ձեր ապրանքները և ծառայությունները: Օրինակ` վաճառում եք  շինարարական, իրավաբանական կամ բջջային հավելվածների պատրաստման ծառայություններ: Ամսվա կտրվածքով որոնողական համակարգերից ունենալով ընդամենը 10 լիդ` դուք կարող եք իրականացնել  ընդամենը 3 վաճառք և միևնույն ժամանակ աշխատել շատ գումար: