Meta-ի գովազդային նպատակները (Facebook Ads Manager) ստեղծված  է այնպես, որ դրանք օգնեն բիզնեսներին հասնել կոնկրետ արդյունքի։ Սակայն գովազդի արդյունավետությունն  ամբողջությամբ կախված է գովազդային արշավի նպատակի (objective) ճիշտ ընտրությունից։ Սխալ ընտրված գովազդային նպատակի արդյունքում կարող ես ունենալ  բարձր գովազդային ծախսեր և ցածր ROI։ 

Meta-ն բոլոր գովազդային նպատակները բաժանում է երեք ռազմավարական փուլերի՝ հիմնված մարկետինգային ձագարի վրա 

 

Awareness տեսակի գովազդային նպատակներ

Սրանք ապահովում են բարձր տեսանելիություն և բրենդի ճանաչելիության բարձրացում:

Գովազդային բյուջեի սահմաններում գովազդը ցուցադրվում է հնարավորինս մեծ թվով մարդկանց, կամ  նրանց, ովքեր գովազդը տեսնելուց հետո ամենայն հավանականությամբ կհիշեն ձեր բրենդը:

 

Consideration տեսակի գովազդային նպատակներ

Այս խմբի գովազդային նպատակներն առաջացնում են թիրախային լսարանի հետաքրքրությունը և ապահովում են ներգրավվածություն էջի կամ հրապարակման  հետ: Դրանց միջոցով կարող ես ձեռք բերել էջի նոր հետևորդներ, հրապարակումների հավանումներ, մեկնաբանություններ, տարածումներ, տեսանյութերի դիտումներ և ստանալ հաղորդագրություններ:

 

Conversion տեսակի գովազդային նպատակներ

Այս խմբի գովազդային նպատակների արդյունքն է ապահովել վաճառք և պրոդուկտով կամ ծառայությունով հետաքրքրված մարդկանց դարձնել հաճախորդ: 

 

 Ինչպե՞ս ընտրել ճիշտ գովազդային նպատակ բիզնեսի առաջխաղացման համար

 

1. Բրենդի ճանաչելիությունը բարձրացնելու համար կարող ես սկսել Awareness տեսակի գովազդներից:

2. Այնուհետև օգտագործել Consideration տեսակի գովազդները` թիրախային լսարանի հետաքրքրությունն առաջացնելու, էջի հետևորդների թիվն ավելացնելու կամ հրապարակումների ներգրավվածությունն ավելացնելու համար:

3. Վերջում կարող ես տեղադրել Conversion տեսակի գովազդները  որևէ  նպատակային գործողության կամ վաճառքի  համար։

 

Քնի որ Meta-ի գովազդային նպատակները բրենդի ճանաչելիության բարձրացման, բիզնեսի առաջխաղացման ամենաարդյունավետ գործիքներից են, ճիշտ գովազդային նպատակի կիրառությունը կախված է բիզնեսի` նախապես մշակված հստակ նպատակներից: Ընտրելով ճիշտ գովազդային նպատակ` դու հուշում ես Meta-ի ալգորիթմին, թե հատկապես ինչ նպատատակային գործողություն ապահովի գովազդի արդյունքում: Դա կարող է լինել բրենդի ճանաչելիության բարձրացում, փոխազդեցություն էջի | հրապարակումների հետ կամ լիդերի գեներացում: