Բանալի բառը կամ հիմնաբառը (keyword)  այն բառն է կամ արտահայտությունը, որը օգտատերերը մուտքագրում են  որոնողական համակարգերում (Google, Yandex, Yahoo և այլն), որպեսզի գտնեն իրենց անհրաժեշտ տեղեկատվությունը, ապրանքները և ծառայությունները:

 

Որոնողական համակարգերում կայքի առաջխաղացումը ամբողջությամբ կապված է հիմնաբառերի ցանկի կազմման, մշակման, տեղաբաշխման և կայքում օգտագործման հետ։

 

Որոնողական համակարգերում կատարվող հարցումները լինում են հետևյալ   տեսակների՝

 

Նավիգացիոն (որոնում` ըստ կայքի կամ բրենդի անվան)`

Google, Yahoo

  Նոթ․ ամ

 

Տեղեկատվական (հարցում, որի նպատակը  տեղեկատվություն ստանալն է).

Ինչպե՞ս սովորել մեքենա վարել

Հայաստանի տեսարժան վայրերը

 

Կոմերցիոն/տրանզակցիոն (հարցում, որն օգտատերերը կատարում է որևէ բան գնելու նպատակով)` 

Գնել հեռախոս

Էժան հագուստ

 

Հիմնաբառերի ընտրությունը և դրանց ճիշտ գործածությունը կայքում  SEO-ում հաջողելու կարևոր նախապայմաններից է:

Հիմնաբառերի (բանալի բառեր) տեսակներն ըստ կառուցվածքի

 

Ընդհանուր  հիմնաբառեր (Short-tail keywords)

 

Ընդհանուր հիմնաբառերն ունեն լայն թեմատիկա և բաղկացած են մեկ կամ երկու բառից, օրինակ` դասընթաց, հագուստ, սմարթֆոն, ուղևորափոխադրում, բնակարան և այլն:

 

Ընդհանուր հիմնաբառերի գլխավոր առավելությունն այն է, որ դրանք ունեն որոնման մեծ ծավալ և այդ հիմնաբառերով կայքը կունենա մեծաթիվ այցելություններ ամսվա կտրվածքով: Սրանց հիմնական թերությունն այն է, որ մրցակցությունը շատ բարձր է, և դժվար է ասել, թե այդ հիմնաբառերով կայք այցելածների քանի տոկոսն է թիրախային:

 

Երկար պոչով հիմնաբառեր (Long-tail keywords)

 

Երկար պոչով հիմնաբառերը բաղկացած են երեք և ավելի բառերից, օրինակ` առցանց SEO դասընթաց սկսնակների համար, մատչելի սմարթֆոններ Երևանում,

էժան ուղևորափոխադրում Երևանից Բաթումի:  Երկար պոչով հիմնաբառերի առավելությունն այն է, որ դրանք ունեն ցածր մրցակցություն և կոնվերսիայի բարձր տոկոս: 

 

Հիմնական թերություն կարելի է համարել այն, որ ամսվա կտրվածքով դրանց որոնման ծավալը փոքր է, ուստի քիչ կլինեն նաև կայքի այցելությունները: 

 

Ընդհանուր առմամբ` հիմնաբառերի ընտրությունը և ըստ դրանց` կայքի առաջխաղացումը պետք է կախված լինի ձեր բիզնես նպատակներից. ցանկանում եք բարձրացնել բրենդի ճանաչելիությու՞նը, կայքի օրգանիկ թրաֆի՞քը, խթանել վաճառքնե՞րը, թե՞ տրամադրել կրթական բովանդակություն: Միայն այս ամենի ճիշտ համադրությունը կարող է նպաստել կայքի արդյունավետ օպտիմիզացիային և բիզնեսի աճին:

 

Որոնման հարցումների (բանալի բառեր) տեսակները SEO-ում` ըստ որոնման ծավալի

 

Կայքի առաջխաղացման SEO ռազմավարություն մշակելիս և թիրախային հիմնաբառեր ընտրելիս շատ կարևոր է նկատի ունենալ ամսվա կտրվածքով դրանց որոնման ծավալը: 

Հիմնաբառերն ունեն բարձր, միջին և ցածր որոնման ծավալ:

 

Բարձր որոնման ծավալ ունեցող հիմնաբառեր

Այն հիմնաբառերը, որոնք ունեն ամսական ≥10,000 որոնում, համարվում են բարձր որոնման ծավալ ունեցող հիմնաբառեր: Օրինակ` «պիցցա», «նորություններ», «մարզական խաղեր»: Բարձր որոնման ծավալ ունեցող հիմնաբառերի առավելություններից է այն, որ դրանք նպաստում  են կայքի այցելությունների թվի մեծացմանը և բրենդի ճանաչելիության բարձրացմանը: 

 

Այս հիմնաբատերի հիմնական թերությունն այն է, որ դրանք ունեն բարձր մրցակցություն և քանի որ նշանակում են լայն հասկացություններ, դրանցով երբեմն կայք են գալիս ոչ թիրախային այցելուներ:

 

Միջին որոնման ծավալ ունեցող հիմնաբառեր

Միջին որոնման ծավալ ունեցող  հիմնաբառերն ունեն  1,000–10,000 ամսական որոնում: Օրինակ` «պատվիրել պիցցա», «նորություններ Հայաստանի մասին», «մարզական խաղերի արդյունքներ» և այլն:

 

Միջին որոնման ծավալ ունեցող հիմնաբառերի առավելությունն այն է, որ սրանցով դասակարգվելը համեմատաբար հեշտ է, և այդ հիմնաբառերով կայքի այցելություններն ավելի թիրախային են:

 

Ցածր որոնման ծավալ ունեցող հիմնաբառեր

 

Հիմնականում երկար պոչով հիմնաբառերն (long tail keywords) ունեն ցածր որոնման ծավալ: Օրինակ` «նորություններ Հայաստանի տնտեսության մասին», «պատվիրել պիցցա Երևանում», «մարզական խաղերի արդյունքներ 2025» և այլն: 

Ցածր որոնման ծավալ ունեցող հիմնաբառերի առավելությունն այն է, որ դրանք ունեն մրցակցության ցածր մակարդակ, բարձր կոնվերսիա, քանի որ այդ հիմնաբառերով կայք այցելածները, ամենայն հավանականությամբ, պատրաստ են գնում կատարել:

Հիմնական թերությունն այն է, որ այդ հիմնաբառերով կայքի ընդհանուր այցելությությունների թիվը քիչ է:

 

Ավելի արագ արդյունքի հասնելու համար նախընտրելի է նոր ստեղծված կայքերն առաջխաղացնելիս  ընտրել ցածր որոնման ծավալ ունեցող հիմնաբառեր: Այնուհետև ընդլայնել հիմնաբառերի ցանկը` ներառելով նաև միջին և բարձր որոնման ծավալ ունեցող հարցումներ` օգտագործելով  հիմնաբառերի պլանավորման և վերլուծության գործիքներ (Google Keyword Planner, Ahrefs, SEMrush և այլն):

 

 

Հիմնաբառերի ցանկի կազմման եղանակները SEO-ում

 

1️⃣ Մտագրոհ (Brainstorming)

 

Հիմնաբառերի ցանկի կազմման առաջին տարբերակը մտագրոհն է (Brainstorming), երբ կայքի տերն ինքը գրում է այն ապրանքները, ծառայությունները, որոնք ներկայացվելու են իր կայքում, ինչպես նաև այն բառերն ու արտահայտությունները, որոնցով պոտենցիալ հաճախորդները որոնելու են իր կողմից առաջարկվող պրոդուկտները:

 

 

2️⃣ Google-ի ավտոմատ լրացման առաջարկներ

Մուտքագրիր քո թեմային վերաբերող բառերը Google-ի որոնման դաշտում և տես, թե ինչ այլ հիմնաբառեր է առաջարկում Google-ը։ Այս առաջարկությունները հիմնված են օգտատերերի հաճախակի որոնումների վրա և կարող են օգնել քեզ՝ բացահայտելու նոր հիմնաբառեր։ Ուսումնասիրիր նաև “People also ask” և “Related searches” բաժինները՝ հայտնաբերելու երկար պոչով հիմնաբառեր։

3️⃣ Հիմնաբառերի պլանավորման գործիքներ

Օգտագործիր որոնողական համակարգերի՝ հիմնաբառերի պլանավորման գործիքներըը`

✅ Google Keyword Planner (Google-ի համար) 

 

✅ Yandex Wordstat (Yandex-ի համար) 

 

 

 

Նաև կարող ես օգտվել անվճար և վճարովի այլ գործիքներից՝

 

✅ Ahrefs

✅ Semrush

✅ Moz

✅ Ubersuggest

✅ և այլն

 

Այս գործիքները կօգնեն քեզ գտնել նոր հիմնաբառեր, գնահատել դրանց որոնման ծավալը և մրցակցությունը։