Բովանդակության օպտիմիզացիա

Կայքի յուրաքանչյուր էջ պետք է ունենա տեքստային և մուլտիմեդիական բովանդակություն։  

Կոմերցիոն էջում տեքստը նվազագույնը պետք է բաղկացած լինի 150-200 բառից, իսկ 300-500 բառը կարելի է համարել օպտիմալ բառաքանակ։  Տեքստում անհրաժեշտ է գործածել տվյալ էջում վաճառվող ապրանքի/ծառայության համար անհրաժեշտ բոլոր կարևոր հիմնաբառերը։

Վեբ էջի տեքստային բովանդակությունը պետք տրամաբանական կապ ունենա էջի մետաթեգերի  և URL-ի հետ։ Սա նշանակում է, որ նույն բանալի բառերը պետք է օգտագործել՝

1․Վեբ էջի վերնագրում (Page Title),

2․ Վեբ էջի նկարագրության մեջ (meta description)

3․ Վեբ էջի տեքստային բովանդակության մեջ (2-4% խտությամբ)

4․ Նկարների անվանումներում և alt, title ատրիբուտներում

5․ Տեքստի  վերնագրերում և ենթավերնագրերում

Դրանից բացի՝ տեքստային կոնտենտը պետք է լինի․

ա) Ունիկալ, եզակի, չկրկնվող, ինչպես նաև թեմատիկորեն համապատասխանի օգտատիրոջ հարցմանը, քանի որ որոնողական համակարգը օգտագործում է մաթեմատիկական ալգորիթմ կոնտենտի ունիկալությունը ստուգելու համար։ Տեքստի ունիկալությունը պետք է լինի նվազագույնը 90%:

բ) Մշակված, ընթեռնելի։ Դրա համար ցանկալի  է տեքստը բաժանել վերնագրերի և պարբերությունների, օգտագործել աղյուսակներ, գործածել մուլտիմեդիական ֆայլեր՝ վիդեոներ,  նկարներ, ներքին և արտաքին հղումներ։